|
|
Минем беренче электрон китабым
Әдәби әсәр - көндәлек түгел. Ул язылган икән, кемгәдер җиткерелергә тиеш. "Үзем өчен шигырь язу" - көзге каршында үз-үзеңә сокланып утыру сымандыр ул.
Бүгенге вәзгыятьтә китап чыгару - үтә талантлылар, йә булмаса үтә әрсезләр гамәледер. Тегеләренә дә, боларына да кермәгәнлектән, мин үзем ерып чыгарлык юлны - электрон китап вариантын сайладым. Бу ысулның басма китапка караганда уңайлырак яклары да бар бит әле. Кирәк булганда, теләсә кайсы өзекне кәгазьгә күчерергә, йә булмаса дискета белән йөртергә, электрон почта аша җибәрергә мөмкин.
Китапның электрон нигезе 203 кВ күләмле, Adobe eBook (Portable Document Format - PDF) форматында. Басма вариантта ул А4 форматлы, Arial tat шрифтында, шигъри өлеше ике колонкалы, җәмгысе 23 биттән торган җыентык. Анда 1996-2003 елларны эченә алган иҗат дәверемдә язылган 60лап шигырь, җыр, җыр булырга йөз тоткан шигырьләрем урын алды.
Internet тудырган уникаль мөмкинлектән файдаланып, китапны Сезнең игътибарыгызга тәкъдим итәргә булдым...
E-mail:
sagdievm@mail.ru: |
